Мәскеуге парадқа  баратын ардагер дауыс берді

Облыста 246 Отан соғысына қатысушы ардагерлер бар. Облыс ор­талығында тұратын  Ми­хаил Смоленков Мәс­кеу қаласында  9 мамырда өтетін әскери шеруге барады. 92 жастағы  М.Смоленков 18 жасында  майданға аттанып, Поль­ша, Қиыр Шығыстағы шайқастарға қатысқан. Майдангер бүгінгі бейбіт заманның қандай ерлікпен келгенін біледі. Майдангер  қаладағы 27-ші сайлау учаскесіне келіп таңертең алғашқылардың бірі болып  дауысын берді. Сайлау учаскесінің төрағасы Берік Матаев  Смоленков 92 жасында сайлауға дауыс беруге келіп, тағы да ерлік жасады дейді. Бұл учаскеде сағат 9.00-да 400-ден астам адам дауыс беріп үлгеріпті. Дауыс берушілердің белсенділігі жоғары, көңіл күйлері де жақсы. Михаил Смоленков азаматтық парызымды атқардым дейді. Фарида БЫҚАЙ, «Егемен Қазақстан». ПАВЛОДАР.